【六四29】吳彤擔心大陸對香港政策收緊 黃耀明:守護公義、守護記憶
六四黃耀明吳彤悼念王宗堯
悼念六四意義,對老一輩港人心中未能忘記,並唔係大合唱《海闊天空》咁簡單,今年六四事件29周年,有人堅持風雨不改出席維園燭光晚會,紀念死難者,六四與香港無法分割,只望一代一代傳承下去(新聞連結: https://bit.ly/2Jd1PcA )。
吳彤去年為紀念六四嘅舞台劇《傷城記》創作新歌,早年又於燭光晚會上獻唱為六四創作嘅歌曲《黃雀飛》,今年係六四29周年,吳彤依然會出席晚會,但不會表演,只以行動支持他說:「因為嚟緊會去加拿大做嘢,唔知道係咪每年都返到嚟香港參與,所以今年都會去,希望留一個紀念,因為第日去加拿大,真係返唔到嚟,都會喺嗰邊出席呢類型嘅紀念活動。」
問到今年參與晚會的心情同之前有何不同,他坦言擔心大陸對香港政策越來越收緊,問到六四晚會將來會否容易在香港舉行,吳彤說:「我有不斷問90後或千禧年嘅新一代,問佢哋知唔知六四係乜事,佢哋都大概知道係乜嘢事,但係好模糊,所以希望我哋見證過歷史呢一代,唔好忘記繼續承傳畀下一代,六四係乜嘢一回事,同埋背後追求民主精神係乜事,而我嘅願望就係有一日可以平反六四。」
此外,王宗堯接受《蘋果》訪問時說:「今晚唔會去集會啊…會選擇低調悼念。」黃耀明剛才於facebook留言:「紀念,不是為了愛國,是為了愛香港,因為這已是香港歷史的重要一章,還要守護公義、守護記憶,守護Humanity。」