當年今日

趙薇《致青春》海報 涉抄大友克洋作品

蘋果日報 2013/05/07 06:00


趙薇首次做導演,執導嘅電影《致青春》最近破5億票房,不過是非亦多多,之前就傳出趙薇係向內地電影局喊住要求幫忙,押後《鐵甲奇俠3》喺內地嘅上映檔期,等佢可以喺票房一枝獨秀。

趙薇之後就否認話:「我很生氣,如果我有這個能力,我讓這片檔期後撤一個月。」

不過近日又有網民發現,《致青春》其中一款海報疑似抄襲日本大師大友克洋嘅作品。《致青春》有一款海報係上一格男女主角拎住魚缸同舊款收音機,下一格魚缸同收音機就跌爛散落一地。而日本動畫大師大友克洋嘅畫集作品中,都有類似嘅構圖,同樣係上面捧住唔同道具,下一格就散落碎掉,從概念上起碼有8成相似。