人有高低起跌，順境逆境，相信很多人都曾經體會；側田絕對是其中一人！

現年42歲的側田，29歲推出首張專輯即大賣，唱片公司力谷上位，結果他入行8個月便踏上紅館舞台，成為當時出道最短時間內在紅館開騷的歌手。不過「人紅是非多」，最終側田因為跌入負面報道的惡性循環，事業發展就如站在滑浪板往海裏衝，不由自主地快上快落。

側田日前在土瓜灣接受《蘋果》專訪，回想當年點滴時嘆謂：「公司成日話我：『醒啲啦！我哋擺咁多心機畀你，你一嘢搞涴晒！』但我都唔想，你哋係簽我唱歌，唔係簽做藝人，佢哋覺得我要日日見報做訪問，但當時無人教過我點樣去做，做完返屋企我不斷諗有冇講錯嘢，會唔會又俾公司鬧，坦白講到而家都怕做訪問。」

遇上逆境，卻找不到解決方法，2011年側田選擇離開，「喺香港最差嘅時候，每日好似行屍走肉咁，終於決定同當時嘅女友搬去北京住，因為覺得喺香港做得好冇意思，都唔知為乜，我好唔開心，需要離開唞吓氣。」

留在北京三年，側田認為那是一個復原期﹕「我覺得好舒服，出街好似再唔會有人望我，加上當時女朋友喺嗰度，好開心有個伴。」然而，側田和女友分手後便再回到香港，雖然這個地方令他有過不快，但側田認為香港就是他的家，跟在美國、在北京，感覺就是不一樣，總是融入不到那些地方。

走過一段艱辛路，今年6月，側田將會舉行第8次紅館演唱會，今次演唱會名為「My Beautiful Curse」，意思是漂亮的詛咒，他說：「每個人天生都有一種gift and curse，例如我有能力喺台上帶畀大家歡樂，同樣亦令我過得唔愉快。不過，都有矛盾嘅時候，因為投入表演我需要好emotional，但落到台呢種性格有時會令人好討厭。」

側田又以桌球比喻人生，覺得同樣講求risk and return，他指自己13歲便到美國讀書兼打工，當日他拋下所有回流香港做音樂，然後唱片賣個滿堂紅，但代價隨之而來，囂張、寸嘴、媾女王跟他成為等號。側田說：「我當時其實咩都唔識，通常人哋入行要捱4、5年先至慢慢出嚟，但當時一嚟就咁，從來冇人教我要點handle，我唔識點樣面對傳媒，佢哋問咩我咪直接講，就係咁得罪人，事實係發生咗，冇得返轉頭亦冇得唔接受。」

他續謂：「喺美國遇到好同唔好都直接講，但返嚟香港成日得罪人，人哋唔知我講笑，聽完唔開心，永遠都嬲咗我，真係覺得唔好意思，傷害到人就係唔好，但真係冇心，我唔係一個講嘢咁刻薄嘅人。」他又認為自己中文差，經常用詞不當是得罪人另一原因：「用啲字眼得半桶水，之前都以為骨氣同義氣一樣，又試過想同人打招呼，但對方以為我寸佢，然後就嬲咗我。」

然而，側田認為經歷低潮也不是沒有得着，至少能看清人生百態，「事業滑落連身邊人態度都有改變，有人會兜口兜面講啲好難聽嘅說話，試過喺隔籬枱都當我冇到繼續講（我），又或者直接拎住個電話行埋嚟影你相，當然仲包含好多出賣同背叛。」

說回這次演唱會，側田希望呈現一個音樂性極強的表演，尤其是演唱會開場部份，將會一反傳統，他說：「Opening係比較特別，我想掉番轉由我喺世上最後一日開始，用音樂回帶，我唔想用喪禮呢個唔舒服字眼，我稱佢為世上最後一日。」

談完工作，有指側田的感情事向來是傳媒關注部份，惟一直異性緣旺盛的他，近年明顯修心養性，側田亦承認女友令他改變了很多，又指女友默默在他身邊為他打點一切，令他十分感動，「佢幫我take care晒所有工作以外嘅嘢，我出trip訂機票、執行李呢啲佢都好細心幫我處理好晒，又頂得我順，其實我好大脾氣，有時出面有啲嘢唔開心返到嚟同佢講，佢會好好咁聆聽，唔似以前啲女友會同我鬧交。」側田說。

側田又說，在演藝圈工作，要維持一段關係並不容易，以前拍拖就試過因為夜了回家被女友鬧。「其實有咩好鬧？我出去應酬又唔係背叛你，我都有同佢講可以夜返屋企，我唔會鬧亦唔會不停message問去咗邊，所以你都唔好咁對我，呢個咪公平囉！咁樣相處咪和諧囉！」側田至今依然不明所以。

側田更自爆以前浪費了很多時間在感情上，而且自己容易受感情事影響工作，故他認為兩個人相處除了性格，timing也很重要，他以現任女友為例，「我同佢年紀相差十年，十年我覺得差唔多，我幼稚，佢就成熟，咁就啱啱好兩個人好合拍，無論興趣上或鍾意嘅嘢，如果大家係同一年齡可能就唔得。」

場地提供﹕Joyland 聚友坊
化妝﹕Yen Lai

【編輯推介】

【「房東」同場？】孖勝利夜蒲 王大陸急發聲明割席：嚴厲譴責該事件
https://bit.ly/2CkIhxk

【「鄧紫棋」被註冊】網民幫G.E.M.諗新名 「蜂鳥」張丹：不要作太多揣測
https://bit.ly/2UATUap

【爆相爆片】夫妻現身幼稚園零交流 呂慧儀黃文廸早已貌合神離
https://bit.ly/2HioJOk

【疑海外非法賭博】勝利涉嫌性招待投資者 每名女生「報價」7萬？
https://bit.ly/2TATWCU

【電氣GROOVE面臨解散】瀧正則涉吸毒被送檢察廳 遭迪士尼飛出《魔雪奇緣2》
https://bit.ly/2Hl8pMI

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef