周六英超，韋斯咸會在倫敦球場迎戰曼聯，聯賽三連勝的「槌仔幫」近況大勇，加上今仗是英超本季首場有球迷入場觀看的賽事，令韋斯咸真正坐擁主場之利，球員定必更賣力； 紅魔近期入得又失得，今仗不妨敲「入球大細」 [2.5/3球]的「大」。

韋斯咸在領隊莫耶斯改用5-4-1陣式下，防守反擊的戰術得心應手，上輪主場以2:1擊敗阿士東維拉升上聯賽第5位，士氣大振。韋斯咸今仗更可「夫添」出擊，前鋒米查利安東尼奧上仗已經傷癒復出，憑其頂上工夫和速度，今仗面對曼聯防線肯定有威脅，加上有「平價版洛賓」之稱的查洛保雲狀態大 勇，此子上仗交出入球兼助攻，預計會與西班牙翼鋒柏保路科奴斯支援安東尼奧，至於今季加盟的阿爾及利亞翼鋒賓華馬雖未能取得正選位置，但近兩次後備入替都能交出助攻，今仗或再成後備奇兵。

遇強越強入球有保證

此外，槌仔幫今季對強隊經常會出現大比數，包括曾3球淨勝李斯特城、1:2不敵利物浦以及在對熱刺先落後3球的情況下追成3:3，可見球隊遇強越強，不會怯場之餘，入球能力亦有一定保證。況且，韋斯咸近年與曼聯交手不處下風，上季兩循環對賽保持不敗外，近兩次主場擺陣鬥紅魔亦全勝，當中有一次更以3:1大破對手，加上今戰莫耶斯倒戈必具鬥心，今仗或再演入球騷。

馬迪爾對韋斯咸醒神

另邊廂的曼聯於周中歐聯主場以1:3不敵巴黎聖日耳門，除了未能提早出線外，前場主力拉舒福特更因膊頭受傷退下火線，今仗上陣成疑。球隊上仗反勝修咸頓3:2的功臣卡雲尼，今仗也隨時因為社交媒體帖文涉歧視，或被英足總罰停賽，令前線或只能靠安東尼馬迪爾。雖然馬迪爾上仗鬥PSG時錯失黃金機會，但今仗可能是這位法國前鋒重拾信心的大好機會，事關韋斯咸是馬迪爾入球最多的球隊， 對陣9次曾攻入6球及貢獻5次助攻，預計他會與小將格連活特拍檔攻堅，就算未必能帶領球隊勝出，也看好他們 至少有能力 在韋斯咸身上取得入球。

紅魔今季聯賽作客雖四戰全勝，但上仗對修咸頓先落後兩球，其實已響起警號，加上場場有失球共失六球，足見後防不穩，一於撐 入球「大」。