有政界人士向季陶稱，就算中央未至於要換特首，但參考當日中央處理前特首董建華下台的經驗，中央也肯定不動聲色下準備Plan B，以備不時之需。據他了解，梁班子醜聞纏身之時，不斷有內地「中間人」向政界探口風，「佢哋會問如果梁振英真係唔得，有乜嘢人可以考慮？」他估計梁在明年1月公佈施政報告後，若仍冇法扭轉民望，中央便會在明年兩會完成領導層交班後，為Plan B做準備。但也有政界人士持不同看法，認為中央為顧全顏面，怎會直接換人，「尤其呢件事涉及即將會係國家主席、負責港澳事務嘅習近平威信，點會咁輕舉妄動？」有政界中人稱，北京或有另類「換馬」方式，包括將梁振英變成虛君，「叫佢去酒會、剪綵同見吓領導人」，實際治權則移交三司，並稱中央現時已有直接渠道接觸三司，「可以唔經梁振英就直接落柯打」。季陶