本地騎師今年續由何澤堯代表出戰國際騎師錦標賽，做過首席華將梁家俊雖然無份跑，但今晚（4日）出賽這個谷中大日子，他仍能贏馬攞威。

梁家俊在第二場五班一哩，夥拍丁冠豪馬房冷門「喜悅明駒」後上一攻而破，單Win及組合獨贏A3分別派102.5及21.5元。

「喜悅明駒」上季尾贏五班田草1600米開齋，鞍上人亦為梁家俊，這次以同一配搭排2檔起步跑谷中B欄一哩，沿途留後守第八位，末段從外叠如飛殺上，小勝頸位，就此打開本身季內及谷戰勝門，姿態恍如大超班，人馬亦攜手替上賽在同班同程同欄屈居亞軍補中。

丁冠豪說：「『喜悅明駒』自上場跑完後跌了28磅，體重得989磅，令我都有點擔心，我沒有預計牠跌了這麼多磅，好彩今仗都能跑出好成績。」

「我覺得今場梁家俊發揮得很好，排2檔起步，在內欄搵唔到位，索性飛出外面全面展開衝刺，交出頭馬。」

「『喜悅明駒』今場36分取勝後，評分漸達飽和，升班後真是要看形勢。」

第二場二至四名分別為「金津輝煌」、「葵涌老友」及「話晒事」。

----------------------------
【蘋果馬網即場搏殺貼士】贏錢撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇