之前唞暑兩個月，對於立法會議員劉皇發兒子劉業強來講，都唔會悶，皆因佢和太太於外地所養的馬繼續出賽，好似喺英國，劉業強太太葉愛愛早前就
憑「小城之光」、「精彩帝國」及「光榮衛士」連續三天賽事贏馬，創下香港馬主在當地一項紀錄。美中不足是「小城之光」近日再在英國出賽時，馬鞍滑移騎師墮馬致敗。劉業強表示跑馬講運氣，唯有寄望下仗向一級賽進發。另一方面，劉業強於澳紐所養的馬，成績亦唔失禮，早幾日愛駒Abaddon在布里斯本打破Doomben馬場1350米紀錄時間贏馬，至今五戰四捷，已成為當地矚目新星。