【賭馬講呢啲】排檔際遇大幅好轉！博「好鬥心」食尾糊（妙瞳）
蘋果日報 2019/12/28 21:30
妙瞳賭馬講呢啲好鬥心
明日（29日）為2019年壓軸戰，先祝大家成功標尾會。
正如昨日提過，雷神最近贏馬數字銳減，真的令個別專業賭馬團隊頭痕，原先今期騎者出馬陣容依舊強勁，不少大戶們仍準備信多雷神一次追數，可惜今日（28日）黃昏傳來他因感冒未克出賽，2019年最終無仇報！
今次推介尾場三班1650米泥地「好鬥心」，衡量該駒對上兩次配何澤堯跑泥地1200米及1650米，入彎時狂蝕位仍可接近，可見本身實力強橫，今次「好鬥心」排檔際遇好轉，今仗絕對有望拼出頭來。
第六場四班1400米草地，「爆騷」連續兩次1400米直路取當日不利的外疊跑線後上入圍，反映評分處有利水準，今次加強配搭換利敬國，可望取得久違了的勝利。