林保怡父親去年11月因肝病逝世，今個父親節，就剩下他與8歲雪橇犬阿水「兩父子」相依為命。阿水去年10月因為椎間突出，導致下肢癱瘓，險人道毀滅，但保怡未肯放棄，在醫生努力搶救及保怡悉心照顧下，阿水總算康復過來。

日前，保怡帶阿水到狗餐廳慶祝父親節，阿水不時跑來跑去，見到保怡捧住父親節蛋糕時，更興奮到不停擺尾，然後兩、三啖便KO整個蛋糕，可見牠精神及健康狀況相當不俗。

阿水手術至今八個月，康復進展如何？保怡說：「未康復得晒，以前屋企係鋪地板，但因為佢我鋪咗地毯，鋪地毯佢會踩得實啲，對佢對腳好啲。同埋0依家會帶佢去游水做物理治療，佢每次游三個圈就唞唞，噚日游咗四、五次，比上一次好，上一次佢直情唔想落水。我好開心佢康復到九成，只係左腳差啲。」

自林保怡救阿水的報道出街後，阿水竟變成狗明星，保怡笑說：「佢依家好紅0架，畀番啲自由佢啦，有時我唔喺度，工人帶佢落街真係有人認得，要求同阿水合影。阿水住院期間嗰段經歷實在太痛苦，0依家佢一見到藍色或者綠色衫嘅人走近，佢就驚，因為醫生同護士服都係藍色、綠色，可能係陰影。」

今日父親節，雖然林爸爸已經離開，但保怡未有太大感觸：「爸爸媽媽在生時，我都對佢哋好好，所以冇乜感觸冇乜後悔。」


場地：JustFunClub＠JustCare