當年今日
關於我們

古巨基閉關年半湊仔致殘樣 讚囝囝天生音樂感靈敏

蘋果日報 2021/06/19 17:57

古巨基靚媽圍爐

古巨基太太Lorraine(陳英雪)於2019年底在美國誕下麟兒,取名古晉匡(Kuson),榮升人父的基仔一直閉關湊仔,久未公開露面,昨晚終於出山接受關心妍、張美妮及孫慧雪主持的YouTube節目《靚媽圍爐》訪問,暢談育兒經,他笑說現已成為湊仔高手,餵奶掃風一流,比太太更厲害。
放下工作年半專心湊仔,基仔自嘲樣殘兼有黑眼圈,不過殘得來開心,體力透支,但心靈得到提升,以前遇上煩事,可能會心情低落,現在只要看一眼囝囝,所有煩心事都會消散。他指目前一歲幾的Kuson,似有半夜夢遊習慣,所以至今他與太太都會輪班通宵守候:「發現佢夜晚瞓瞓吓,會矇矇鬆鬆咁坐喺度,或者會爬起身企喺床,真係唔係好放心,輪流通宵更睇住照顧佢。」
基仔表示不想錯過兒子每刻的成長過程,所以每天都會拍下大量影片,他更在節目中分享了幾條短片,其中一段是Kuson聽爸爸唱《傷追人》,竟然聽到流眼淚,楚楚可憐樣子超可愛,基仔覺得囝囝天生音樂感靈敏,但真的沒想到BB也會聽到流眼淚,非常意外及震憾,相信囝囝是一個感情敏銳的人。「另外佢都鍾意K POP,特別韓國女團MOMOLAND唱嘅兒歌《Banana Cha Cha》,會跟住跳舞。」
談及作為父親最難忘的時刻,基仔說:「Kuson第一次叫爸爸,hea講『I Love You』都令我好難忘。早幾個星期前,我同太太連續幾日示範錫錫,估唔到囝囝睇咗幾次就學識,主動去錫我個嘴。最心痛就係第一次打針,未見過佢爆喊到咁,媽咪就直頭連望都唔敢望。」問到做嚴父抑或慈父角色?基仔坦言:「我估我係做衰人個個,因為佢性格太好奇,乜都要知、乜都要掂,但如果我覺得係危險嘢,我就會好嚴格阻止,媽媽做好人囉,好心軟乜都畀佢搞。」
至於不少家長會提早籌謀小朋友學業,安排上play group,但基仔覺得小朋友太早學習會有壓力:「佢啱啱識行,我唔覺得要咁急,加上疫情呢!我都係覺得安全為主先,遲下先諗啦!」
empty
古巨基停工年半最近終公關露面。
empty
古巨基擔當嚴父角色,太太唱白臉。
-----------------------------
蘋果App大升級 更簡潔更就手!了解更多立即下載體驗