【愛得癡纏】赴台過「半同居」生活 密友爆王子視Stephy為結婚對象
王子鄧麗欣結婚對象半同居
今年7月,34歲鄧麗欣出席公開活動時,承認同細佢5年嘅台灣藝人王子(邱勝翊)相戀,當時Stephy就開腔話要好好保護呢段姊弟戀(新聞連結: https://bit.ly/2upOkwu )。Stephy同王子呢段戀情,除咗係姊弟戀,仲要係異地戀,呢對情侶都好努力咁維繫感情,之前王子就特登扮身在日本,而秘密潛返港密會Stephy(新聞連結: https://bit.ly/2zXtBpa ),真係愛得好癡纏㗎!今日有台灣傳媒就影到Stephy飛到台灣探王子,報道仲話,佢哋已經去到半同居關係,而佢哋嘅共同朋友仲爆料話王子想結婚㖭!
Stephy同王子公開認愛兩個月,繼之前《蘋果》影到王子來港密會Stephy後,今日有台灣周刊影到Stephy飛到台北會男友,據報道指,本月1日,王子揸車到捷運嘅昆陽站,接咗女友Stephy後,二人就去咗行街,然後王子就帶Stephy去探朋友,現到夜晚10點幾,王子就同Stephy一齊返去位於南港嘅寓所,有指Stephy每次去台灣都會住喺王子屋企,已經展開咗佢哋「半同居」嘅生活,而佢哋嘅共同朋友仲話,今年29歲嘅王子,已經規劃在33歲至35歲間結婚,亦視Stephy為結婚對象。
精選娛聞,喺晒《娛果》
http://fb.com/appledailyent