恭喜!恭喜!40歲謝安琪(Kay)上年演唱會之後，宣佈暫別樂壇，計劃同老公張繼聰追多個，兩人喺上年9月宣佈得償所願，喺facebook宣佈陀女，計埋囝囝張瞻，湊夠個「好」字，預產期喺4月，Kay諗住停工三年專心湊囡。

Kay前晚先同完吳若希同許廷鏗食飯…(新聞連結： http://bit.ly/2nUeqTu )!

Kay應該係今日生B女!話晒之前傳佢想今胎自然分娩。張繼聰今日透過經理人向傳媒報喜，指下午4點半就會出嚟同大家分享佢哋生B女嘅喜悅。

此外，之前有傳Kay想生完呢胎後，做結紮手術，不過日前有報道指Kay忽然改變主意，想明年試吓再追多一個。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。