二人女子組合2R昨日出席在青衣城舉行的《開心日報-給媽媽真情留言》活動,二人在台下聽到其他藝人及參賽者對媽媽的真情留言時,不禁感動落淚,2R不約而同說:「諗起喺新加坡嘅媽咪,重諗緊返唔返去同佢慶祝母親節,或者會託朋友帶禮物畀媽咪。」
請母親遊上海
另外2R與余文樂、杜汶澤、麥家琪等昨日到大埔宣傳新片《精裝追女仔2004》時,余文樂亦透露他於母親節要到上海工作,所以會請母親一同到上海,他說:「之前阿媽同我投訴,話老竇送咗壽包券當母親節禮物,搞到阿媽好灰,原本阿媽想去日本旅行,咁啱我去上海做嘢,所以叫埋佢去一齊過母親節囉。」
眾人宣傳新片之餘,亦即席比賽裝飾蛋糕給現場的母親試食,但余文樂和杜汶澤卻草草了事,結果沒人投他們一票,認真丟臉。
採訪:黃君怡、李珮洳 攝影:黃君怡、仇志德