手持180張提名票入閘的特首候選人胡國興，今在facebook發帖，稱有年青人認為他的樣貌似港產卡通片《麥兜》中的角色——「春田花花幼稚園」的校長黎根，「我聽完之後哈哈大笑：又有啲似喎！」，帖文在數小時內獲逾2千多個讚好。

胡官在fb寫出卡通片主題曲「我個名叫麥兜」中的幾句歌詞，「但現實就似一隻鴨，吓吓一定要Duck。唔得！唔得！點算嘞？點樣令隻雞變做鴨？」，暗指特首選舉中不少人都有政治考慮，迎合所謂現實，如有傳言指中央只接受某特定特首候選人。

胡官早前指會以「百分之二百嘅決心」阻止林鄭月娥當選，他在帖文中稱明明想食雞，但只得隻鴨，「好多人都覺得冇辦法啦，唯有要隻鴨囉」，但他深信只要同路人同心協力，總有方法「令隻鴨變返隻雞」，又稱「香港，一定要得」。有網民亦在帖文下留言，鼓勵胡官打贏林鄭，「一定要贏隻鵝呀！」。

【網民咁睇】
Andy Wong：你呢隻Duck一定要贏隻鵝呀！
Chung Kun Li：最怕鷄變咗鵝
Isabella Chan：好似黎根！
Maggie Lau：加返啲潮州腔先！！