賭王四房孻仔何猷君日前為咗幫妹妹何超欣慶祝正日生日，專登坐咗12個鐘機去倫敦（相關連結： http://bit.ly/1VUtyNP ）。今日4點半左右，猷君返嚟喇！

猷君當日送上戒指畀妹妹做生日禮物，仲留咗言叫大家注意唔好搞阿妹，擺明向追求超欣嘅男仔宣示主權，猷君話：「我講下啫。」會否管制妹妹識男友？猷君話：「最緊要錫我妹妹。」要似你咁靚仔？猷君笑言唔使。

佢一身波衫溝名牌look步出香港機場閘口，佢將個金色耳筒掛咗喺頸，仲邊行邊講電話，十足十model咁，不過限佢啲pose，事關佢嗰波衫真係撞到應一應，英格蘭藍白色波衫襯落紅綠色嘅葡萄牙波褲度，個色tone真係非筆墨所能形容。

猷君返港隨即轉到離境大堂轉飛上海，上海機場發生爆炸事故，猷君話：「唔驚，好少事，唔係咁傷到人啫，媽咪有叫我takecare。」猷君表示此行到上海傾生意，有意在上海創業，但乜類型生意就唔講得住，遲啲先話畀大家知。