細數5大最強射手 保方撐卡尼上榜

蘋果日報 2017/12/30 21:20

歐聯保方熱刺基斯坦奴朗拿度祖雲達斯哈利卡尼

意大利門神保方最近受訪,講起自己所見過嘅天生射手型球員,將剛膺2017入球王嘅熱刺射手哈利卡尼囊括喺佢嘅五大之內。
卡尼壓過美斯同基斯坦奴朗拿度,以全年射入56球(國家隊+球會)成為2017嘅入球王,之前好多人都曾經質疑卡尼未到世界級,話因為佢效力嘅係熱刺,但保方就親自認可呢位英格蘭新晉前鋒,係當今最強射手。
保方話:「毫無疑問,卡尼家陣係歐洲其中一位最佳射手。我知道每個球員都會有要改善或者可以增強嘅地方,但有啲係本能,天生冇得教嘅,就好似入球觸覺咁,係與生俱來。我睇過無數前鋒,例如朗拿度、C朗、恩沙基同巴迪斯圖達,佢哋都係令門將會好頭痛嘅對手,而卡尼亦係呢一種。」
祖雲達斯同熱刺將會喺歐聯16強對壘,到時保方就會遇上卡尼,而呢位門將就話好期待呢次挑戰,因為佢永遠想搵最強嘅球員嚟測試自己能力。
----------------
BFB CHAMPIONS 2.0 聖誕新年活動連環出擊,登入即送傳奇球星「林伯特」! http://bit.ly/2xrTKGM