當年今日
關於我們

【非洲豬瘟】街市肉檔指供應量少 端午豬肉價格仍高企

蘋果日報 2019/06/06 15:39

非洲豬瘟旺角街市

【16:40】新增內容
上水屠房消毒後今日重新開放,並恢復內地活豬供應,業界表示明天將有約1,500隻內地及本地活豬應市。在旺角街市,豬肉檔負責人尹先生表示,雖然肉檔今日有本地活豬賣,但生意一般,相信與售價比平日高一倍,以及市民對食豬失去信心有關。尹先生稱,即使內地活豬恢復供應,明日有1,000隻應市,但供應量仍然很少,相信明天端午節豬肉的售價,應不會有明顯下調。
市民梁女士稱,今日豬肉售價仍然很貴,自己買了100元豬肉,相同份量平日只需約60元,雖然內地活豬明日恢復供應,但她亦表示無法預料售價會否回落。
另外,觀塘瑞和街街市內的大部份豬肉檔則未有開業,市民陳女士亦指,自從政府撲殺逾千隻豬後,新鮮豬肉一度暫停供應,她只能轉吃魚或雞,「平日隔日買4、50蚊豬肉嚟整排骨,豬價起碼貴咗成倍,差唔多成個禮拜冇買」。她估計豬肉售價要半個月後才回復,但明天適逢端午節,應該會買一塊生豬肉及燒肉作拜神之用,預計要花費200多元。
不過,市民周女士則表示近日都不會購買豬肉,會等豬肉售價回落後才考慮購買,「豬肉都係用嚟煲湯,冇豬咪唔煲,可以買冰鮮雞拎啲雞肉嚟煲湯」。她指平日只會花$30左右購買豬肉,明白現時買豬肉就必須要「捱貴豬」,「人哋冇開檔咁多日,都要係咁二收返啲,拉返勻啲燈油火蠟」,又估計豬肉售價可能一周後會回落。
瑞和街街市外的豬肉檔負責人陳先生表示,之前主要賣內地豬,但近日已轉賣本地豬,「平日拎10隻豬,今日都係拎到兩隻,來貨價貴兩倍幾,但售價只係貴一倍,圍返起有租交就算」。他亦指即使內地活豬恢復供應,明日有1,000隻應市,但供應量仍然很少,豬肉售價仍會高企,「都唔知幾時又嚟第三次第四次(殺豬行動)」。

新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
empty
有肉檔賣本地豬,但生意一般。翁鈺輝攝
empty
市民梁女士稱,今日豬肉售價仍然很貴。翁鈺輝攝
empty
肉檔負責人料明日的豬肉售價不會明顯回落。翁鈺輝攝
empty
肉檔負責人陳先生指之前主要賣內地豬,但近日已轉賣本地豬。簡明恩攝
empty
觀塘瑞和街街市內的豬肉檔水靜鵝飛,大部份肉檔都未有開業。簡明恩攝
empty
簡明恩攝
empty
觀塘瑞和街街市內的豬肉檔水靜鵝飛,大部份肉檔都未有開業。簡明恩攝
empty
有市民見豬肉售價貴而轉買牛肉。簡明恩攝
empty
市民周女士則表示近日都不會購買豬肉,會等豬肉售價回落後才考慮購買。簡明恩攝
empty
陳女士指後天是端午節,預計會買一舊生豬肉及燒肉作拜神之用,大約花費200多元。簡明恩攝