曾演出韓劇《浪漫滿屋2》、《愛情來了》等劇嘅44歲男星李勳，早前參加名廚白鍾元主持嘅新綜藝節目《白鍾元的餐車》嘅錄製。《白鍾元的餐車》係幫助藝人或普通人開創餐廳嘅新穎節目，當中白鍾元就會傳授自己嘅經驗。節目於噚晚首播成績都相當好，最高收視率達9.1%。

而首位演出節目嘅就係李勳，佢於節目中公開自己嘅近況，提到自己因為生意失敗，導致欠債近31億8千萬韓圜(約2,219萬港元)，令觀眾大感震驚。李勳表示：「生意失敗後我過咗逾1年嘅廢人生活，足不出戶，每日只喺屋企飲燒酒。」過咗一段長時間，李勳終於知道自己唔可以再頹廢落去，所以當製作組邀請拍攝《白鍾元的餐車》時，李勳亦表現得相當努力。