【爆相爆片】張智霖（Chilam）與袁詠儀（靚靚）育有11歲獨子張慕童（魔童），二人十分愛錫囝囝，早前趁暑假就一家三口去英國旅行，近日又去了東非國家肯亞，全家手拖手在草原睇日落，好有愛。二人趁魔童學校有長假期就外出家庭樂，相信已計劃定聖誕去滑雪，皆因日前本報讀者馮先生透過「爆相爆片」，分享三人在天后一間滑雪訓練中心報讀課程。

全程木無表情

該中心設有一座模擬滑雪機，可以給學員在室內學滑雪，當日馮先生大概6時許在該校位於天后電氣道的商廈，見到Chilam在滑雪學校門口玩電話，他表示：「靚靚同囝囝就喺學校入面，相信佢哋係報讀課程。」之後，靚靚就拖住魔童出來，Chilam一馬當先離開。靚靚全程在老公後面絮絮不休與囝囝談天，魔童木無表情聆聽着。眾人行到搭扶手電梯時，靚靚手舞足蹈講到興起，她忽然如夢初醒大叫：「哎呀！漏咗把遮喺上面。」她就掉低兩父子轉身上樓，而兩父子好似見怪不怪，繼續步出大廈。
最後，靚靚火速取回雨傘落樓，但已不見兩父子，她就探頭外望向右邊行去，搵了一陣，先發現他們已坐上司機接送的私家車，印印腳坐定定等她回來。
採訪：李森