今日阿Paul（黃貫中）似乎想一掃咁多年對家強嘅怨氣，除咗講番08年紀念家駒演唱會，家強當正自己show咁做、世榮同Paul「分得」兩首歌咁大把之外；今日特別轉發世榮首新歌話:「 阿榮，你用行動代替說話，貫中無看錯你，你是值得敬重的，全力支持行動派、擴散... 」何謂「行動派」？就係世榮plug新作品，都係用個人名義，而唔會加上Beyond……

正所謂借力打力，擺明要鬧爆家強嘅阿Paul，仲轉貼咗前經理人陳健添叫家強 「不要再跟歌迷說自己很善良，我看了也想吐。」 篇文，乘機再加多幾分力度，鬧爆家強「善貧良」(即係寸佢欠缺善良)： 「我們一衆兄弟也吐了一晚上，看他買錶，飛機不讓坐與小女生，就知你是天生善貧良。」 呢個「他」，好容易對號入座，買錶、同女生搭飛機唔讓坐，擺到明就係講家強。

09年家強買咗一隻30萬嘅名錶，點知經常快咗2分鐘，整極都整唔好，就call晒傳媒朋友去錶行踩場，起初錶行唔肯換，最後家強都補番1萬蚊差額換咗3隻男裝及1隻女裝錶。

而飛機唔讓坐，就要講返07年，家強坐飛機到重慶，佢稱內地超女何潔戴住黑超、企喺走廊「睥」實佢。家強話縮腳讓路俾佢行，但佢都唔行入去，於是家強繼續睇報紙，不過又俾對方嘅女性朋友拍一拍，叫家強讓開、俾何潔入去。

返港後，家強公開話何潔架子好大，事後何潔否認冇禮貌，其經理人更質疑家強博宣傳，家強即扯晒火謂:「 我唔係作，係佢有問題！我借佢宣傳？佢邊位呀？Beyond有成22年，我使乜靠呢個o靚妹宣傳？我喺中國有邊個唔識？憑你？ 」




《蘋果日報》動新聞新版AndroidApp正式面世喇！Hit一吓，動全新！已經Download咗舊版App嘅朋友，請去返PlayStore手動更新；至於iPhone版嘅新版App，7月就會出街喇！

未download嘅，梗係即刻下載啦↓↓
http://bit.ly/Zbhry3