今屆港姐誕生之後，唔少網民對出爐三甲表示難以接受，搞到佢哋要睇番以往選做港姐嘅女藝人嚟滿足番視覺效果，好似過往選完港姐，再派冠軍參加國際中華小姐，過往多年港姐冠軍同時勇奪中華小姐躋身三甲，而李嘉欣、郭羡妮、陳凱琳更係雙料冠軍。被網民叫得係「最靚港姐」之一，當然外貌出眾。

43歲靚媽郭羡妮同老公朱少杰婚後生咗囡囡Kylie都幾似媽咪，今日郭羡妮喺微博貼出學生相，留言：「昨天尋回小學畢業證書，還找到了我小一的入學照，我尖叫了，因為我發現朱小姐長得跟我當年一模一樣。」不過睇全家福，就覺得囡囡對眼似爸爸多啲噃，塊面同媽咪一樣面尖尖、鼻高高。

郭羡妮係中英混血兒，又係1999年港姐冠軍，以及喺美國拉斯維加斯舉辦2000年國際華裔小姐冠軍，其後加入娛圈，一開始已經做女一、女配，同唔少男藝人傳出緋聞，2011年郭羨妮同大陸動作導演朱少杰低調結婚，一度有傳奉子成婚，現時有囡萬事足，不時喺微博貼同囡囡嘅合照，大晒家庭幸福。