噚日吳尊打電話畀我，你無睇錯，係吳尊，即係台灣組合「飛輪海」最靚仔嗰個。佢打電話畀我講乜？佢叫我救佢喎。
唔使驚，我唔係黐咗線。只係因為有個friendsend咗個電郵畀我，裏面有廸士尼黑色世界嘅宣傳短片，係飛輪海扮探險家，最搞笑係睇睇吓，問我接唔接電話，我話接，跟住電話真係會響，一聽竟然係吳尊把聲叫我幫手探險。

其實，個friendsend呢個電郵畀我前，已經先set我個電話號碼落去，再揀埋飛輪海其中一個嘅錄音，send畀我之後我就可以一邊睇短片，一邊收到錄音電話。一個禮拜已經有成一萬人玩過，你都可以click去試吓， http://park.hongkongdisneyland.com/hkdl/html/halloween2008/zh_HK/index.html?onlinefun。
講開又講，海洋公園都喺Facebook搞鬼，整咗個叫做「08哈囉喂新配慌」嘅遊戲，累積超過35萬人登記試玩，大家選擇惡鬼，最多人揀個隻，就真係會喺公園入面出現嚇人。正當我玩玩吓之際，突然之間諗，如果鬼真係一束電波，啲鬼見我哋成日喺網上講佢哋，會唔會跟住寬頻電線，走去我屋企呢？咁都可能算係地球一體化嘅進步。
逢周六、周日刊出
電郵：mailto:[email protected]