當年今日
關於我們
中環在線:
減消費 中煉化唔搞慶功 - 李華華
蘋果日報 2013/05/23 00:00
新股上市係大工程,按慣例,公司掛牌當日都會搞慶功宴慰勞一班投行賓架、律師、會計師等,但凡事都有例外,今日掛牌嘅央企中石化煉化(2386)就唔會搞慶功,管理層出席完上市儀式就飛番北京,原因?咪就係要慳錢,配合中央限制三公消費囉。
銀證懶理 食餐勁
以往大型中資新股上市後,多數喺金鐘、中環五、六星級酒店大排筵席慶功,最少都有20、30圍,有時仲會請嘉賓表演,幾百萬元埋單閒閒哋。但家陣中央提倡限制三公消費,央企要率先響應,中石化煉化上市後,搞慶功宴呢類公務招待消費可免則免。
聽聞,自從國家主席習近平嘅節儉宣言一出,所有央企飲茶灌水都收歛咗好多,但呢個情況暫時只適用於央企,噚日掛牌嘅地方企業銀河證券(6881)冇咁慳,都有設慶功宴。