【本報訊】被指賬目有問題的超大現代（682）昨召開股東周年大會，主席郭浩現身會議但全程避見記者。消息指股東會上場面火爆，不少人「鬧爆」郭浩管理不善，令公司長期停牌。有小股東出席股東會後透露，郭浩承諾1月底前聘請新核數師，務求盡快令公司復牌。
超大現代昨在灣仔君悅酒店召開股東會，歷時逾一個半小時股東會過程相當神秘，既不讓記者入場採訪，會議結束後，郭浩先行循後門離開，但集團職員仍不准記者到會議室拍照。公關解釋股東會乃私人活動，不欲讓記者進場。

股東不滿長期停牌

雖然郭浩未有解畫，但有小股東指，郭浩承諾在1月底前為集團聘請新核數師。不過該股東指，「佢講就咁講，有人肯做先算啦！就算真係請到，仲要審核返咁多期年報，有排都復唔到牌。」
消息指，周年大會上充滿火藥味，單單問答環節便用上逾半小時，主要是針對公司長期停牌。有股東質疑「集團拎晒啲錢去飲飲食食，郭浩淨係用『唔可以披露』嚟做藉口，乜都唔肯講。」
不過，仍有人對郭浩投信心一票，股東周先生稱，前前後後共購入200多萬股，公司停牌相當無奈，但對公司業務仍然有信心。亦有人指不相信公司做假數，「郭浩係政協，被人查出做假數，（2011年9月遭匿名報告Anonymous Analytics質疑造假數），佢都好大鑊。」
超大現代會後公佈，郭浩以59.19%支持率，成功連任公司董事。雖然有逾四成人反對，但有股東坦言「佢係大股東，點都踢唔走㗎啦。」