上周五奧運開幕，未對內地股市帶來冲喜作用，中央「維穩」失敗，奧運後的走勢更不明朗，嘉賓相信奧運後中央可能重新推出宏調措施，因此股民出貨意欲本周或會增加，為大市帶來沽壓。

碩：嘉賓主持亨達集團研究部董事黃敏碩
喬：比聯金融產品衍生工具部策略師張小喬

碩：奧運後內地股市究竟會繼續跌，定會造好呢？
喬：奧運後要擔心幾樣嘢，之前內地實行「一保一控」，但到奧運尾聲或結束，就要小心再有宏調措施推出，A股已有很多股民趁早出貨，拖累滬綜指表現。
碩：內地股民抱觀望態度，亦擔心8月會有大小非解禁，雖然數額多，但係唔係一解禁就會喺市場上流通就另作別討論，因此股市奧運後是好是淡都係未知數。

搶先貼股
中海發展恐跌勢未完

Ricky：睇咗隻中海發展（1138）好耐，想問吓邊個位入會安全啲？
碩：今日（上周五）出現咗支大陰燭，裂口低開好多，成交大幅增加，明顯俾人洗倉。睇個波羅的海指數，噚日（上周四）跌咗4%，所以加重巿場對呢類股份嘅憂慮。
喬：中海發展穿咗250天線幾日，如果跌勢持續多兩日，就代表佢走勢已經轉淡；仲有就算佢出現超賣，但股災時超賣完可以再超賣，所以我好擔心佢未跌完。

收市後4:30pm

click入 http://finance.appledaily.com以webcam參與節目及收看

歡迎phonein28698262暢談心得亦可email至mailto:[email protected]搶先貼股