地產多聲道：康馨園轉手似音樂椅
蘋果日報 2004/07/19 00:00
豪宅價硬，炒賣放緩，不過大坑康馨園，有件貨八個月四次易手，各手都有賺，樓價共升近四成。
美聯劉文華話，咁搶手係因為高層少放盤，叫價偏高，偏偏呢個單位嘅業主個個都好想出貨，稍為有得賺就沽。
第一次係去年11月，炒家以千二萬向銀主買入，今年2月樓市熾熱之際，以溢價近二百三萬摸出。
第二個買家入貨後，個市轉靜，持貨三個月，只賺九十二萬。
第三個買家5月份接貨，原擬收租，近期有買家出價逾千六萬洽購，於是轉租為售，短短個零月，勁賺百三萬。
美記員工有著數
美聯早前與3香港合作，透過手機，可以查閱美記提供嘅樓盤與地產資料。
佢哋最近再度聯手，今次係買手機優惠。美聯員工可用一千二百八，買到最新型號LG8120嘅3G手機，採用一百八十三蚊月費計劃，就有二千三分鐘話音通話，與視像資訊內容，等於減價逾兩成三。
和黃呢排谷上客，今次同美記合推優惠，可以攞到唔少客。
美聯劉文華話，咁搶手係因為高層少放盤，叫價偏高，偏偏呢個單位嘅業主個個都好想出貨，稍為有得賺就沽。
第一次係去年11月，炒家以千二萬向銀主買入，今年2月樓市熾熱之際，以溢價近二百三萬摸出。
第二個買家入貨後，個市轉靜，持貨三個月，只賺九十二萬。
第三個買家5月份接貨，原擬收租，近期有買家出價逾千六萬洽購，於是轉租為售，短短個零月，勁賺百三萬。
美聯早前與3香港合作，透過手機，可以查閱美記提供嘅樓盤與地產資料。
佢哋最近再度聯手，今次係買手機優惠。美聯員工可用一千二百八，買到最新型號LG8120嘅3G手機，採用一百八十三蚊月費計劃，就有二千三分鐘話音通話，與視像資訊內容，等於減價逾兩成三。
和黃呢排谷上客，今次同美記合推優惠，可以攞到唔少客。
中原周彩霞話，屯門投資者見撤銷租務管制，積極物色單位收租，日前參觀何福堂站附近竹苑銀主盤，認為容易出租，即睇即買，用四十五萬購入低層B，逾四百八呎，呎價逾九百三，料月租三千，回報八厘。
蘭西睇中原地圖，資料顯示，竹苑樓齡二十七年，高十一層，共四十四伙。
呢類新界單幢樓，銀碼細，既唔犯本，回報又高，都有一定吸引力。
恒基今年重頭項目西灣河嘉亨灣，終搞活動，今日宣布名稱及發放資料，又請傳媒遊船河，上六十五樓單位影相。
恒基對呢個盤有幾重視，睇吓嘉賓名單就知，除營業部總經理張炳強、中華煤氣常務董事陳永堅外，連主席四叔李兆基細仔李家誠都出埋。
李家誠啱啱俾周刊影到同女藝人約會，二人態度親暱，睇嚟兩人嘅關係，今日肯定成為訪問焦點，樓盤隨時變成配角，唔知佢會點回應呢？
代理話，四叔與一班高層，噚日下晝參觀售樓處，逗留半小時。
元朗錦綉花園蚊患嚴重，令外區買家打退堂鼓，近期成交集中同區換樓客。不過，利嘉閣余艷霞話，有個住開九龍區大型屋苑買家，無懼蚊患，帶住一屋七隻愛犬進駐。
個客為咗愛犬，用近二百六萬，買入C段單號屋，過千呎，加埋五百幾呎花園，呎價二千二，比同類低一成。
業主十幾年前唔使五十萬買入，自住至今，賺逾二百萬。
廣東省經貿委員會上周喺廣州舉行9＋2泛珠三角區域經貿合作洽談會，其間特設商貿流通及服務業項目推介會，由各區攞一個代表項目，向大會推介，長和系聯手發展嘅廣州國際玩具禮品城，成為代表廣東省項目。
長實袁添鴻話，項目利用香港先進市場訊息、精密管理系統與服務概念，配合內地優勢，拓展海內外市場。
原來全球半數玩具產自廣東，年出口值六百幾億。亞洲平均每個小朋友每年玩具消費七百八蚊，中國只有三十九蚊，可見內地商機無限。袁添鴻話，玩具城用玩具禮品分區概念，採購商可按需要去特定專區，有秩序分流。商場全年營運，定期有展覽，設有主題公園。
蘭西
電郵地址：
恒基太子爺李家誠今日親身上陣，介紹今年重頭項目西灣河嘉亨灣。
錦綉花園
廣州國際玩具禮品城