簡淑兒（Jessica）今日喺銅鑼灣出席cosplay活動，佢有唔少活動邀請都係要角色扮演。而cosplay仲為佢帶嚟艷遇，佢話：「以前去日本拍節目著校服拍，有個男仔問我係咪日本人，仲同我影相，之後喺ig tag我。」佢仲話造型扮演難露事業線，佢笑話：「我乜線都有，惟獨冇事業線，我諗冇人鍾意睇排骨。」佢反而對自己條腰有信心，亦買咗唔少露腰嘅衫，想練到有馬甲線。