先天患「眼器官缺損」、13歲小伙子為挑戰自己，克服視障參加下月舉行的維港泳。他於香港殘疾人士游泳錦標賽2018的男子S13級50米自由泳和男子SB13級50米蛙泳奪得銀牌。不過，他說半年前才首次放膽在大海游泳，「我真係想挑戰下游海，因為之前唔夠膽」，今次雖沒訂下目標，但希望以最快時間游到岸。

現就讀喇沙書院的鄭旨軒患有「眼器官缺損」，先天視力比常人差，視力範圍約兩米，「冇普通人睇得咁遠，望向上下距離、闊度較常人窄，望遠啲就比較矇」。四年前開始學游泳的他表示，最初是父親因他手腳不協調，故安排他習泳，「嗰時冇話想唔想，不過係學咗4、5個月之後，有次訓練破咗自己紀錄就鍾意咗游水」。

對於首次參加新世界維港泳，旨軒稱是為挑戰自己，「我真係想挑戰下游海，之前唔夠膽，但依家覺得自己游水能力夠高可以夠膽做」。他稱，半年前才首次跟父親到沙灘游海，坦言「第一次游海真係好驚，嗰陣咩都冇預備就跳咗落海」，幸而當時跟隨父親成功游到浮台，之後再從浮台游到岸邊已經不太害怕。

他說：「自己習慣游泳池，但游海睇唔清水底，都真係有啲驚，驚畀啲浪推向第二邊」，又指海浪和水阻較大，需花更大體力，「游海真係比游泳池攰好多」。為了應付在大海游泳，避免海浪把他推走而游錯方向，因此特意訓練腰力和跑步訓練體能，「固定自己條腰，拉直個身，當啲浪冚埋嚟都唔會畀啲浪推走咗」。他笑言，個人喜歡游泳池多於游海，「始終游泳池輕鬆啲同安全感大啲」。

他今年參加優悠組，全程約1公里，「平日練水都游超過2至3公里，應該應付到」。他又指，今次未有訂下目標，「因為未游過維港，好難訂時間」，只希望用最快時間游到岸。

記者 張文鈴