當年今日
關於我們

【SideAngleSide】本地Band點睇中學生洗腦神曲?RB鼓手:係一件好偉大嘅事

蘋果日報 2016/04/19 06:00

蘋果香港RubberBandMr.Kolor即時娛樂SUPPERMOMENT泥鯭Alan阿雞羅斌

網上瘋傳嘅一首「SideAngleSide」數學洗腦歌出咗唔夠一日,facebook上面已經有過萬like,唔少人聽完都話已經俾洗腦,並且猜測片中三名同學仔到底因咩事要去拍呢條片,不過都有人欣賞佢哋嘅創意㗎!o依家嚟睇下幾位Band友點睇呢首歌啦!

SupperMoment嘅結他手阿雞聽完呢首洗腦歌就話﹕「我覺得快返40bpm,再加dLMFAObeat,應該可以進軍國際」
係真唔係㗎?如果係真嘅,呢三位位同學仔可以考慮呢個建議喎!難道呢個唔係蜚聲國際嘅好機會咩?

RubberBand嘅鼓手泥鯭聽完話﹕「我覺得小朋友幾好吖,用佢哋嘅創意可以幫到自己學數學,又可以幫到同校嘅人學數學,再緊要就係可以幫到其他嘅同學仔一齊學到,我覺得其實係一件好偉大嘅事。」
咁又係呀,做創作之餘仲同人哋開心share數學知識,真係要俾啲掌聲!

Kolor嘅結他手羅斌聽完就覺得﹕「我覺得佢哋好有創意嘅,同埋可以帶我哋去欣賞佢學校一轉嘅,同埋中間轉咗吹喇叭嗰段係幾好聽嘅,我幾欣賞,最尾大合唱真係估唔到。」
見片中嘅同學仔除咗識唱歌仲識玩樂器真係多才多藝,雖然喺香港玩音樂係辛苦啲,但係同學仔唔好放棄呀!

Mr.主音Alan表示:「非常好的洗腦歌,如果我讀書年代有呢隻歌,我相信我數學科唔會唔合格(因小弟數學科最差)」
唔緊要啦,學無止境吖嘛,o依家學識都冇壞㗎!