日本女子組合AKB48前成員篠田麻里子，前晚於AKB秋葉原劇場作最後演出後便畢業離隊，今日佢正式展開單飛後首項工作，乃參加NTV電視台嘅情報節目《PON！》。篠田表示前晚完騷後，噚日佢休息咗一整天，一入夜即就寢，過得非常悠閒，而今後佢「將主力從事和時裝有關的工作」。其前隊友橫山由依噚日就宣佈頂替篠田擔任TeamA隊長。

另外，多年前以1期生成為AKB成員嘅佐藤由加理，雖早已離隊成為獨立藝人，但前晚亦到秋葉原劇場捧加入時期相近嘅篠田場。佐藤噚日喺網誌透露，佢開騷前往後台探班，當篠田一見佢即忍唔住哭起來，嚇到佐藤既驚又喜。