鄭少秋主演的劇集《大時代》雖然明晚深夜12時15分才開始重播，但丁蟹效應已令人聞風喪膽，繼上周一無綫宣佈重播《大時代》，翌日恒指即停止「八連升」，全日跌幅達454點之後，前日下午恒指收市27,653點，下跌86點，加上全球擁有31.5萬用戶的投資數據終端機彭博（Bloomberg）前日在歐股開市前「死機」，及恒指夜期前晚暴跌705點，種種巧合，令不少股民狂呻丁蟹效應相當邪門。由於《大時代》長達40集，相信股民未來兩個月有排震。
身為丁蟹的鄭少秋，前晚與王馨平、區瑞強和陳迪匡等在將軍澳為無綫節目《Sunday靚聲王》錄影，對於《大時代》重播令全城關注股市升跌問題，秋官信心十足說：「一句到尾，升！」記者指股市開始有跌勢時，秋官繼續撐說：「獲利回吐箒！我一啲都唔怕，我仍然有唔少貨喺手。」秋官聲稱丁蟹效應不再，強調《大時代》重播之日，將是股票高開之時。

心痛欣宜硬頸

此外，月前欣宜為承繼母親沈殿霞6,000萬遺產解畫，指肥姐立下遺囑，要她35歲後才可動用遺產，現時每月只可從基金提取2萬元生活費，又自爆最窮時身上只得26元，對此秋官反問：「點解唔搵我？我個女好硬頸，唔肯問我攞零用，我早就同佢講過，有需要就搵我，我有畀零用錢佢，如果唔靠爸爸，仲可以靠邊個？真係儍更更！」而對於欣宜大讚秋官着古裝最有型，秋官笑說：「經常都聽到有人咁講！」
撰文：魯吉