韓國天團BIGBANG嘅29歲成員T.O.P本月初被爆吸食大麻受檢控，之後佢疑不堪壓力服食過量藥物陷昏迷，日前終於離開ICU，轉到其他醫院繼續接受精神科嘅治療。

而BIGBANG嘅隊長G-DRAGON（GD）就如常展開佢嘅回歸大計，前日如期喺首爾舉行世界巡迴演唱會首場《Act III, M.O.T.T.E》，吸引4萬粉絲捧場。

而GD上周四推出新專輯，當中主打歌《無題》踏入第五日早上繼續殺晒八大音源榜嘅實時榜冠軍，除咗韓國受歡迎外，《無題》首日推出已橫掃39個唔同國家及地方嘅iTunes專輯榜冠軍，喺大陸音樂平台QQ音樂已出售逾94萬張音源，好快就突破百萬大關，為平台帶來近千萬人仔收入。