當年今日
關於我們
【原來咁長情】松岡昌宏地下情逾14年 私有化索女秘密同居
蘋果日報 2017/06/16 15:00
TOKIO
松岡昌宏
日本尊尼事務所近期多位藝人被爆戀情,繼中居正廣、香取慎吾、城島茂等之後,今日輪到TOKIO嘅40歲鼓手松岡昌宏,發現佢同發展地下情逾14年嘅圈外女友早已同居,二人喺兩年前已搬到偏離市中心嘅住宅大廈共築愛巢。
身高1.8米嘅松岡昌宏十分長情,同女友拍拖多年都感情依舊,就算有女埋身都從未變心。今日出版《Friday》拍得松岡同索女友於寓所附近拍拖,二人行完超市返回愛巢,不過全程就保持一兩個人嘅身位距離,明顯係唔敢太親密。TOKIO成員山口達也、國分太一先後娶妻,隊長城島茂早前都被爆發展父女戀,有圈中人指松岡同女友感情穩定,更以「我屋企嗰個」來形象另一半,似乎打風都打唔甩。