29歲日本女星黑木美沙今年6月為赤西仁誕下B仔，做咗兩個小朋友媽咪嘅佢近日全面復出，除咗推出寫真集《INCARNATION》，佢又落實與三浦春馬合演朝日電視台新劇《成人高校》。

劇中以一班30歲以上、兼無性經驗嘅男女入讀「成人高校」做背景，黑木美沙同三浦春馬，仲有55歲男星高橋克實都係呢間學校嘅學生，而龍星涼同松井愛莉就扮教師。黑木劇中就飾演一名32歲嘅事業型女性，將事業放喺首位將所愛情失敗。黑木為拍宣傳海報就再着上校服，佢就話12年前拍電影曾經着過校服，不過拍攝劇集就屬首次。