近年海港城唔少「動物」進駐，2013年黃色小鴨停泊維港相信好多人仲係歷歷在目，今個月海港城又有新訪客喇！海運大廈露天廣場化身北極，展出韓國藝術家卞大龍「可愛卻顯得瘦弱」嘅北極熊雕塑，反映北極熊面對氣候暖化下困境。而港威商場展覽大堂II就展出韓國藝術家盧濬作品《天空般高的長頸鹿》，一頭穿越雲層嘅長頸鹿充滿童真。

除咗韓風藝術家，亦有本土作品展出，香港書法家陳子慧巨型現代書法作品「愛與和平」進駐港威商場展覽大堂。咁多作品都屬於海港城「拉闊藝術」展覽，展期即日至4月3日，市民可以免費入場欣賞藝術兼打卡添。