Ball后薛芷倫(Fanny)薛芷倫今晚到中環四季酒店出席護膚活動，講到之前佢接受好友鄭紹康主持嘅節目訪問入面，佢一場大病點改變佢人生之外，重大爆比一位曾經同佢係金蘭姊妹嘅L太羞辱。

當時鄭紹康講到10年除夕夜出席舞會時，提到金蘭姊妹L太羞辱一事，Fanny話L太喺佢離婚時，第一時間離開佢，病癒後復出Ball場，遇到L太，L太就專登捽佢塊面，差啲未摷亂Fanny啲頭髮，但當時Fanny抱嘅心態就係唔需要去care喺自己最困難最需要朋友嘅時候而離開嘅人。

咁今日活動上，Fanny又被問到有關「L太」捽面一事，記者問佢「L太」知唔知道，佢就話：「唔知道，冇接觸呢位『L太』，唔刻意想佢知，如果透過電視，有人講畀佢知，做呢件事情傷害咗我，我唔怪責佢，心情已平伏放低晒，先可以光明正大講出嚟，係想用正面訊息講，自己經歷人生低潮，生病係應該畀人關心，唔係做一啲行為傷害人，令到我心靈難受，自己開心放低晒，可以坦白咁講。」