當年今日

今日肥師奶推介

蘋果日報 2002/07/10 00:00


南非迷你皺皮椰菜
南非鮑魚出晒名,唔使我多講,今日則要介紹一款由當地出產嘅迷你椰菜,同平時所見略有分別,外形較嬌小玲瓏,比網球略細,色澤青綠,重比較皺皮,但皺皮得嚟又夠精緻。
一包大概半磅重,有四個迷你椰菜,平均每個五十克左右,雖然係略為貴啲,但勝在品質佳,清甜嫩滑,值得一試。

$24/包 city'super有售
膏蟹 當造多膏
呢排啲蟹就特別靚同大隻。雖然話黃油蟹開始當造,但黃油蟹要成幾百蚊一斤,唔捨得食嘅都覺得幾貴。
我肥師奶就捨黃油蟹而選擇買膏蟹,事關𠵱家嘅膏蟹一樣好靚。膏蟹呢個時間嘅膏特別香滑豐滿,買蟹時見到連蟹拑同蟹爪都泛紅色就係多膏嘅證明。

約$68/斤 各大魚檔有售

文:肥師奶