傅嘉莉（Kelly）3年前被拍到跟已婚富商肥叔叔Low Check Kian在車廂熱吻，去年初她再被踢爆跟已婚富豪莊天龍（Benny）在米蘭街頭錫錫。
昨日再有報道指Kelly同一時間暗撻富豪B，原以為瞞天過海可以一腳踏兩船，豈料被富豪B發現她代步的60萬白色七人車，是莊天龍送她的訂情車，車牌是二人名字的英文縮寫，數字是拍拖紀念日。

報道指富豪B在微信質問Kelly，對話曝光。他問Kelly為何有人送車，微信用戶「KLB」是否代表「Kelly Love Benny」？Kelly解釋「KLB」代表「Ka Lee Baby」，不過富豪B卻用粗口鬧Kelly，之後Kelly自辯不會做小五，更形容莊天龍的小三、小四都是「old woman」。
昨日是Kelly的生日，她凌晨在Instagram貼蛋糕相，下午到馬鞍山宣傳新劇。被指一腳踏兩船周旋兩位富豪之間？她說：「完全唔係真，我諗聰明人睇到內容，睇到WeChat，用格式打完全唔同。嗰啲人物我唔識，都冇呢啲事。上年年中嘅嘢，先喺生日畀個咁大禮物，我開始學會做藝人要經歷，完全唔會唔開心。」

最近是否收新車？Kelly說：「好多人留意我呢幾年拍電視劇，但係我做咗model十幾年，講我收入就淨係睇呢幾年，完全唔公平。有睇我新聞知我有投資買樓，我𠵱家冇hold任何一層樓，所以都有資金，一個新工作環境需要有部車，我可以負擔到，我唔知呢個圈嘅風氣鍾意咁樣寫，我希望用我時間同表現，畀大家睇到我並唔係向呢個方向行嘅女生。」
撰文：非非