【晒冷造勢】中山美穗現身撐《果醬少年》 吉澤亮讚櫻井日奈子唔似人
果醬少年櫻井日奈子吉澤亮中山美穗
由漫畫家吉住涉創作嘅《果醬少年》多年後宣佈開拍成為真人版電影,由廣木隆一負責執導,吉澤亮夥拍櫻井日奈子飾演男女主角松浦遊及小石川光希,下月底在日本開畫。今次新片由影后級女星中山美穗飾演吉澤亮生母,美穗在片中改嫁櫻井日奈子父親筒井道隆,而扮演美穗前夫嘅谷原章介就同筒井道隆前妻檀麗再婚,加埋兩位主角一同展開一家六口嘅同居生活。
《果醬少年》昨日於東京舉行盛大試映會,廣木隆一率片中要角晒冷現身,吸引大批影迷支持,吉澤亮被問到對拍檔櫻井日奈子嘅印象,吉澤亮就指對方好令佢動心,仲話:「她不太似人類,感覺有點像妖精吧!」真係唔知讚定踩。
另外,原作者吉住涉為漫畫雜誌執筆畫封面,畫出筆下嘅吉澤亮及櫻井日奈子來宣傳《果醬少年》。
精選娛聞,喺晒《娛果》
http://fb.com/appledailyent