當年今日
關於我們

學友辭演「春晚」 奇文共賞

蘋果日報 2013/01/06 06:00


最近內地有唔少報道話張學友將會擔任2013年春晚嘅表演嘉賓,但係今日學友經理人陳淑芬聯同央視春晚劇組,發咗個聯合聲明,表示學友去唔到。

依家政府喺文法上致力同內地「共融」,即係例如「農曆年」變「春節」、「煙花」變「煙火」之類,以下呢篇「聯合聲明」,有冇值得學習嘅地方?特別bold咗極具參考價值嘅句式,無論係推辭演出、向另一半提出分手,甚至拒絕借錢俾死黨,都可以照抄嚟用。689寫「拒絕落台書」,都可以一用……

「從今年春晚建組開始,劇組便向學友發出了邀請,並就學友參與2013年春晚表演一事 進行了積極有效的溝通 。此間,劇組和學友本人都對此事 表現出了極大的熱情和誠意 。春晚劇組在整場晚會的編排和串聯中, 一直為學友保留著表演的時間和位置 ;學友本人,也為參與春晚直播預留了時間和檔期。(略)

「然而,非常遺憾的是, 經過雙方的共同努力,至今也未能尋找到一個達到雙方心理預期的表演內容和形式。 因此,經過認真審慎的考慮,學友 最終決定非常遺憾地放棄 這次上春晚的機會,對於春晚劇組的誠意他非常感謝、也銘記於心!“ 他衷心希望有一天能準備好自己,好好上一次春晚”

春晚劇組對此表示非常遺憾,但對藝人的決定表示充分的理解和尊重,相信廣大電視觀眾和歌迷也能夠理解。

你睇,講到雙方幾咁無奈同痛心,幾咁難以抉擇……明明兩個字「唔做」,咪搞掂囉﹗呢啲言語嘅藝術,香港人慢慢就會識0架喇。

【齊齊投選2012年娛圈風雲人物】
入面粒粒巨星,你想咀佢,定想掟蕉過去?XD
http://bit.ly/ent_2012 (電腦版)
http://bit.ly/ent_m2012 (手機版)