當年今日
關於我們

小肥指《造星III》CY有種戇居親和力 疑得罪fans被批偏激踩人

蘋果日報 2021/03/25 21:51

小肥全民造星IIICY陳澤言

ViuTV《全民造星III》節目成為全城熱話,折骨舞王Ben(趙祥誠)奪得冠軍,陳葦璇和ANSONBEAN(陳毅燊)分別屈居亞軍和季軍,雖然三甲已經塵埃落定,但依然話題不絕,好似小肥前日就在社交網開live講睇後感,其中指CY(陳澤言)有種「on cow嘅親和力」,點知收到網民的私訊批評,叫小肥要包容和尊重人,疑得罪CY 的fans。
小肥在社交網公開網民的私訊內容:「我覺得唔洗(使)咁偏激响(響)度咁樣去踩人嘅,事實係每一個參賽者都有不足嘅地方。」該網民指善意的批評沒問題,但針對性的謾罵抨擊就唔應該,「其實你同Tim Lui都係香港樂壇嘅一分子,試下多一份尊重同包容la,前輩。」
對於被批評唔尊重人,小肥回應該網民:「我真係為咗閣下個message專登由頭到尾睇番次個live…我真係唔覺有針對性嘅謾罵抨擊喎,話CY有種on cow嘅親和力嗰度?但我哋都話好鍾意佢㗎喎,係咪有咩誤會?其實我同Tim Lui由第一季睇到而家,點會唔明參賽者嘅熱血同努力呢?」而其他網民都力撐小肥:「偏激嘅人會覺得人哋偏激,由佢」、「真心唔覺得有偏激,只係開始覺得講句嘢都冇自由」、「知唔知咩叫偏激,定係啲人太玻璃心」。
《蘋果》向小肥了解是否得罪CY的fans,他以短訊回覆:「真唔知喎,但我哋一開始都表明係鍾意同支持CY,話佢有種戇居嘅親和力,唔知佢係咪放大呢點。」翻睇小肥的live,他在片中說:「Ben唔係唔好,但去到冠軍可以有好多人選,我覺得Ben可以有三甲,我自己心目中有啲喜好,但未必有入三甲資格,例如CY唱得好,但未係三甲,但自己喜好CY。」有網民留言指CY駁嘴頂撞ViuTV高層金廣誠,小肥說:「CY唔係寸,因為金生問嘅嘢奇怪,但CY可以修飾下先講。」之後小肥和填詞人Tim Lui一齊傾,Tim:「實不相瞞,我鍾意CY。」小肥:「我都係呀,我鍾意佢on cow,同埋唱得好,嗰種on cow嘅親和力係好吸引,但講真我覺得佢未有資格攞三甲,只係希望啫。」
empty
小肥讚CY唱得好,但未係三甲人選。(資料圖片)
empty
小肥開live講《造星III》睇後感。(網上短片截圖)
empty
小肥和Tim都鍾意CY。(網上短片截圖)
empty
網叫撐小肥冇唔尊重人。(網上截圖)
empty
小肥疑得CY的fans。(網上截圖)
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁