數天前，一位波馬兼攻的舊同學跟筆者閒聊，說德國主場對巴西的友賽必敗。

他一向是德國的死忠粉絲，哪知他竟然說打算重鎚巴西。問他何以睇好巴西？他說四年前世界盃，德國在巴西數主隊七個一皮，這類無傷大雅的友誼賽，焉有不投桃報李呢！

十足十的陰謀論，即馬圈術語的所謂「還盅」。雖是想當然，但管用，德國真的輸掉。

持陰謀論去賭波賭馬，是蠻有樂趣的。正經的去刨馬，是艱苦的工作。

有位賭馬集團的首腦，曾親口對筆者說，他的一位得力助手，伏在他膊頭哭了三次。我道是為輸大錢而哭，原來不然，要是刨馬刨得太辛苦，禁不住悲從中來。

採取陰謀論則可省卻種種刻苦工夫，只消運用想像力，捕風捉影，一旦贏了一次大錢，自我感覺良好，日後更必樂此不疲。很多人只要認定別人的心思如何，別人的心思即必須如何。

能夠想通別人的心思，比刨通一場波一場馬，更為英明，對不對？

講到英明，今期（4月2日）賽事尾場就有隻「英明勇將」，隻馬贏過三場，獨沽一味都係1200米，季初仲喺三班贏馬，上仗走去跑1400米，陰謀論就係試馬，睇吓部署係唔係咁英明。