前年汪子琦求復合時，富婆Laura曾揼本為她開戲圓導演夢，搵了江若琳做女主角拍內地電影《愛在星空下》，去年又科水給汪子琦成立製作公司，仲簽埋向海嵐為旗下藝人，三人喺圓方大搞記者會，有傳向海嵐以7位數人仔簽5年合約，向媽媽都有出席撐女兒，重新出發嘅向海嵐感動到眼濕濕。

o依家Laura同汪子琦為贍養費反面，Laura一怒之下決定撤資，停止注資汪子琦嘅製作公司。原來向海嵐都已經同汪子琦結束合約關係，向海嵐接受《蘋果》電話訪問表示：「其實我同佢哋喺10月尾完咗約，我o依家係自己處理工作，佢哋嘅私人事情，我就真係唔了解，因為同佢哋只係工作上合作關係。」

問到點解咁快完約？向海嵐解釋：「因為子琦今年年頭身體唔舒服，去咗美國醫病，大家溝通過，佢需要時間養病，加上佢喺美國，好多時工作上嘅處理唔夠及時，所以喺互相理解之下完合作關係，但我同佢哋分別保持友好關係，不過冇傾私人事情，新聞講嘅嘢唔清楚。」

而為汪子琦執導電影做女主角嘅江若琳就表示：「因為呢個始終係兩人問題，仲係感情問題，作為朋友唔應加把口，佢（Laura）開開心心就好。」

更多韓流，喺晒《娛果》
http://fb.com/appledailyent

相關文章：
【關係決裂】富婆Laura決定簽紙離婚 汪子琦索2億4千萬贍養費
http://bit.ly/2iVUzpl

【愛嘅反面】汪子琦指索天價贍養費合理 富婆Laura暗示再有料爆
http://bit.ly/2irLuAS