當年今日
關於我們

李八方online︱何君堯與藍絲搞聯署 提名港警角逐諾貝爾和平獎

蘋果日報 2020/09/18 14:43

江樂士香港政研會何君堯抗暴之戰

前刑事檢控專員江樂士開到口,話香港警察獲頒諾貝爾和平獎都受之無愧,藍絲們精神立即為之一振。於是香港政研會同建制派何君堯就做嘢,喺網上搞聯署,叫人提名警察角逐諾貝爾和平獎。乜佢哋好稀罕呢啲外國勢力嘅奬項咩?
empty
香港政研會同建制派何君堯就做嘢,喺網上搞聯署,叫人提名警察角逐諾貝爾和平獎。網上截圖
八方唔係佢哋心入面條蟲,點知藍絲們諗乜,之不過香港政研會嘅聯署都幾特別,除咗叫人提名警察角逐諾貝爾和平獎外,順手又叫人提名警察角逐中央電視台2020年度感動中國團體特別獎。
好地地角逐央視獎項咪算咯,做乜又要角逐諾貝爾和平獎呢?所謂面係人哋畀嘛,況且要角逐都角逐孔子和平獎啦,否則你叫孔子和平獎嗰邊情何以堪呢?
empty
聯署除咗叫人提名警察角逐諾貝爾和平獎外,順手又叫人提名警察角逐中央電視台2020年度感動中國團體特別獎。網上截圖
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁