千嬅嘆茶揀袋
Torres打機解悶
蘋果日報 2016/01/24 00:00
【中環】潮媽楊千嬅帶囝囝出動，多數喜歡孭背囊，貪佢夠大乜都放晒入去，又可以騰出雙手自由活動。千嬅前日又帶住約3歲囝囝丁進諾（Torres）去中環置地行街，同行仲有外傭同助手，一行四人入咗Alexander McQueen度血拼，素顏嘅千嬅主攻新款背囊，店員識做奉上熱飲，咁千嬅就慢慢嘆茶同揀袋，河童頭嘅Torres就由外傭陪住坐沙發打機，母子各有各忙。
千嬅快靚正揀啱心頭好，立即叫店員埋單，其間佢獲悉有記者拍攝，千嬅馬上將當頭箍嘅太陽鏡戴番，跟住就由助手代攞戰利品離開。千嬅一馬當先開路，外傭就抱住Torres，精靈嘅Torres就手指指記者，認真又老積咁話：「唔好影相。」好鬼醒目。
千嬅快靚正揀啱心頭好，立即叫店員埋單，其間佢獲悉有記者拍攝，千嬅馬上將當頭箍嘅太陽鏡戴番，跟住就由助手代攞戰利品離開。千嬅一馬當先開路，外傭就抱住Torres，精靈嘅Torres就手指指記者，認真又老積咁話：「唔好影相。」好鬼醒目。
【笑晒】
楊千嬅前日帶囝囝Torres去置地行街，仲一邊行一邊有講有笑。
楊千嬅前日帶囝囝Torres去置地行街，仲一邊行一邊有講有笑。
【打機】
媽咪千嬅專心揀包包，囝囝Torres就乖乖坐埋一邊打機等候。
媽咪千嬅專心揀包包，囝囝Torres就乖乖坐埋一邊打機等候。
【速閃】
千嬅（右二）前日出動，大有收穫離開，由助手代攞戰利品。
千嬅（右二）前日出動，大有收穫離開，由助手代攞戰利品。
遇趙太吹水
千嬅一行人跟住向雪廠街方向行去，由於外面正落雨，助手為外傭同Torres擔遮，Torres就一直望實記者鏡頭，佢再次指住叫唔好影相。其後佢哋喺街上又撞到着住皮草嘅名媛趙曾學韞，趙太同千嬅企埋一邊吹咗一陣水，千嬅同佢握一握手先離開，跟住佢哋急步行咗去上保母車走人。
採訪、攝影：羅德光
採訪、攝影：羅德光
【吹水】
趙曾學韞（右）撞見千嬅，兩人即站喺路邊吹水。
趙曾學韞（右）撞見千嬅，兩人即站喺路邊吹水。