仲記唔記2014年喺網上大熱一時嘅「冰桶挑戰」（Ice Bucket Challenge)？當時發起呢個活動嘅人主要係為咗漸凍人症嘅「肌萎縮性脊髓側索硬化症」(ALS)病人而發起嘅活動，當年仲引來中港台日韓歐美等全球明星一齊響應活動。

而近日韓國娛樂圈又掀起新一輪「2018冰桶挑戰」，等大家再次支持及關心漸凍人症患者，好似之前韓劇《雲畫的月光》嘅男星朴寶劍、少女時代嘅秀英同徐玄都有響應活動，活動宗旨要接受完冰桶挑戰嘅人喺網上公開完成任務，之後要再tag好友，將挑戰延續下去。

女團A Pink成員鄭恩地今日亦喺Instagram上載自己接受「冰桶挑戰」嘅片段，原來鄭恩地就收到男團WINNER成員姜昇潤嘅點名，為咗令更多人關注漸凍人患者，鄭恩地完成挑戰後就點名了四名好友，當中包括「國民妹妹」IU、綜藝主持金信英、Rapper歌手Microdot及模特兒申素英。

更多韓流，喺晒《娛果》
http://fb.com/appledailyent