雨僑、組合spACE、Fantaz聯同新城電台DJ，今午到荃灣廖寶珊紀念書院進行校園探訪，宣揚反沉迷賭博。

雨僑自認冇橫財運，逢賭必輸，連投資都唔敢，只會正正經經做生意，她一手創辦嘅美容品牌生意越做越大，所以佢最近就喺荃灣搵咗一個大型向海辦公室，雨僑話:「近年自己嘅美容生意，會拍片放上互聯網，好似有咗自己地盤一樣。」揀正經濟不景氣時搬辦公室，雨僑話:「唔擔心，零售係差咗，但上網購物仍有巿場，世界變咗唔一定好似以前咁，電視都多咗選擇同新模式啦。」

雨僑都好想同新電視台合作，尤其玩去旅行真人騷，不過佢笑言:「最緊要搵到仇家先。」會否情侶檔一齊工作？雨僑話唔抗拒，但係佢同羅力威唔同公司，即使合作都要交俾公司處理。