【騎師王冇得輸?】潘頓10隻座騎完全睇!沈集成有極惡馬匹關照
潘頓沈集成騎師王競駿天驕
冠軍騎師潘頓開鑼戰(1日)手風不俗,憑「帝豪福星」、「跑得威」起孖,前駒還更捧走特首盃,讓他新季有個好開始。
既然騎功好,人又夠晒旺,潘頓自然受歡迎,周日(8日)沙田日賽,他騎足10場,座騎順序為「勁快步」、「大眾精英」、「依斯堅」、「晨曦飛馬」、「好運」、「數糊勇士」、「聰明導彈」、「怡昌寶寶」、「競駿天驕」及「心多多」,是雷神莫雷拉以外,今戰唯一座騎滿額的騎師。
講到騎師王彩池方面,今期買潘頓睇怕真係冇得輸,事關佢手馬確實堅到爆,「怡昌寶寶」在港不敗,力爭三戰全勝固然是焦點所在,其他如「依斯堅」、「好運」、「聰明導彈」亦公認實力強勁,潛質未盡,估計都具坐位望贏機會,有力在騎師王為潘頓增添不少分數。
還有第九場三班1200米泥地賽,沈集成馬房「競駿天驕」亦値值重視,潘頓騎過四次得一冠一亞一季一第五,人馬最合拍。
今次突然初跑泥地,表面沒有根據,但母系家族成員普遍擅跑膠沙地或泥地之餘,父系血統亦有根據,同父馬「人民武士」(已退役)曾三勝泥地賽。
加上「競駿天驕」本身泥閘亦勁,8月27日於泥閘1200米一放到底跑第一,走勢兇猛,難怪今次有「競駿天驕」贏過的三班田草1200及1400米,沈集成都不報,而特意揀泥地了。
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此