2000年曾驚爆木村拓哉奉子成婚消息，當年佢處於事業高峯竟宣佈娶工藤靜香為妻，多年來兩人婚姻都唔受外界看好，唔驚唔覺佢哋已結婚15周年，新一期《週刊女性》雜誌拍得木村、靜香接囡囡放學，一家四口場面夠晒溫馨。

木村日前趁空檔與家人度過假期，佢於黃昏時間駕車到兩女入讀嘅國際學校接放學，靜香坐喺木村旁邊，坐在後座嘅兩個乖女，霎眼都已經14歲及12歲大。

雖然木村夫婦結婚15年來屢傳婚變，不過兩人處理私生活相當低調，靜香就算與愛女同校嘅家長嘆茶，都盡量拒談木村，相當保護丈夫嘅私隱。