【本報訊】慈雲山連日來有多宗確診個案，管理慈雲山中心的領展宣佈商場及街市一連兩天關閉消毒，明日早上6時半重開。有街坊認為關閉商場及街市大清洗較令人安心，但在慈雲山經營餐廳的東主則狠批港府抗疫不力，才會屢屢影響民生。

慈雲山商場及街市昨日起關閉兩天，本報記者昨午到場觀察，街市及商場範圍內所有商舖包括便利店、快餐店、手搖飲品店等全部「落閘」，門外貼上告示，通知街坊停業兩天。有麵包店職員關店前戴上口罩及面罩盤點貨品，並清洗麵包盤等用具。由於商戶仍可進出商場，商場各個出口均有保安為商戶量體溫。

長者摸門釘 「麵包都冇得買」

雖然多家店舖均貼出告示，但仍有大批街坊「摸門釘」，大多為長者。有伯伯到商場外才發現店舖休業，隨即指「封城呀？想買麵包都冇得買！」亦有婆婆希望到街市吃粥，可惜失望而回。

居於慈正邨的唐小姐於毓華里買菜及一把地拖，欲經商場回家。對於領展關閉商場及街市，她說尊重決定，都會減少外出，「𠵱家買一日食幾日㗎喇，我都諗住快啲返屋企」。另一街坊江小姐打算到附近餐廳用膳，亦只好打道回府，但認為關閉清洗有好處，「咁都安心啲嘅，消下毒」。

於區內經營餐廳的Alex原本打算經商場到小巴站，不料商場關閉，只好繞路而行。他批評商場及街市關閉反映港府抗疫工作欠佳，「政府做好啲咪唔使閂囉！點解要掉返轉頭行？唔係話影唔影響到自己，係應唔應該咁做」。Alex更怒指其餐廳原本只經營晚市、消夜時段，因區內確診個案而停業一個多星期，現時禁堂食令生意雪上加霜，「（外賣）都圍唔到本、又蝕人工，咁做嚟做咩？做到咪做，做唔到咪執咗佢囉」。

隨商場及街市關閉大清洗，有動物義工擔心街市貓安危。義工指其中一個生果檔飼養了兩隻小貓，但檔主平日愛理不理，兩貓由義工餵飼，「𠵱家大規模消毒，如果貓仔吸咗啲消毒藥水真係九死一生」。街市管理公司回覆指已向各檔查問，現時沒有貓被困。